...و سونای یاساق اؤیکودور، ولئنتاین دئییل

 سعید موغانلی

یاشامالیسان سنی

یانی،  ائله بئله زورنان هاااا

سنه یاشاماخ یاراشیر

منه یازماق!

یاشاماخ ائدیت اولونمالی­دیر

                         یاشاما،      یاز!

 [...............................!]

"من یازماسام

سن یازماسان

بیز یازماساق"

اؤلولری یوماق لازیمدی...

(یاز)دا سو چوخالار آخی

یاز، قاباقدان باهار گلیر!

[...............................!]

"من اؤلمه­سم

سن اؤلمه­سن

بیز اؤلمه­سک"

یاز، یازدا اؤلمه­ییم گلیر...

یاز

یاز، یویوندورسون منی...

یاز جان! ناز...

یاز  نئینَک  آز...

[................................!]

آخی بئله زیبا آی­سان اِاِاِا    آیِ - آیلار  - آیدا - آی سودا - آی...............

آذری چیخساق البته پاییزدان.

بیر ده امامیه­ده یاتیر سولماز (عاییب اولماسین)

بیر ده دویماسین "باز" اوغوللار!

- (آخی قیزبازدیغین یئری دؤیور کی اورا)

             بیر ده کی مامورنان دولودور...

[...............................!]

یازما!

یایما!

".........."

قیشما!

بایرامدان سورا

                     یاز اِاِاِاِ  بئله  یاز

                               بیر ده باغیشلایین: حورمتله: [سعید موغانلی...)

 (...................................................................)

آچیقلاما، اوست-باسدیر ائله­مکدیر:

رضا براهنی هر رومانین اوّلینده یازیر:

«روماندا گئدن آدلارین هامیسی خیالی­دیر.

 اونون حقیقی آدلارلا اوست-اوسته دوشمه­سی تام تصادوفی­دیر.»

ایرضا دایی آخی بو بویدا یالان اولار؟!

                                        یاز...

ائله دئییلدین دیلی سیلیندی بو دا بیللیچ

ائله دئییردین دیلی شیریندی بو دا بیرلیک

سونای حیکایه اؤدولونون سئچیلمیش اثرلری "بیرلیک" اؤزل بوراخیلیشی کیمی یایینلاندی. سونای حیکایه توپلوسوندا ۲۵ حیکایه و ۵ مقاله و تنقید گئتمیشدیر. گنج گونئی حیکایه چی لییینین بیرینجی آددیملاریندان ساییلان بو توپلودا ماراقلی اثرلر ایشیق اوزو گؤرموشدور.   "سونای حیکایه لری"نده اثرلری گئدن یازارلار:    (داوود دوستار- اکبر رضاپور- رقیه صفری- مرتضی مجدفر- محمود مهدوی / حمید آرغیش- عبدالمجید چاوشی زاده- مژگان صیامی- زیبا منوچهری- ووقار نعمت / ائلدار خیاوی- مجید راستی- شلاله جوانشیر- علی نوری- حکیمه رسولی- نسرین شیرمحمدزاده- شریف مردی- احسان علیپور- محمدرضا فریدی- موسی رحیمی- صمد نظمی / نیگار خیاوی- رضا کاظمی- محمد صبحدل- حامد احمدی / بولود مرادی- سعید موغانلی)

^{شعرسورگون حیات دئمک­دیر}

 عرب شاعیر­ی آدونیسین شعر و دوشونجه­سی

سعید موغانلی

  اؤزونو فرانسیز وطنداشی حئساب ائدن عرب شاعیری «علی احمدسعید» داها آرتیق تاخما آدیلا  تانینمیشدیر. بابل اوسطوره­سینده آفرودیت آدونیسه وورولور، سون­اوجو معشوق اؤلومه بویون اَییر و عاشیق سئوگیلینی یئنی­دن یاشاتماغا چالیشیر. او میف­لرین، سئوگی­نین و یاشامين شاعیری­دیر، اؤزو سیاسی شعری قبول ائتمیر آنجاق سیاسی شعره بوتونلوکله اینانیر. اؤلوم و یاشام، شاعیرلییین باش و اوجودور، دئيير. آوروپالی عرب شاعیرینین، دوشونجه سؤیکه­نه­جه­یی دیل و دیندن عبارتدیر، او اؤزونو بو دیلین قولو کیمی و البته آللاهی کیمی گؤسترمکده­دیر.