یازیریقسا واریق

سونای حیكایه اؤدولونون سونوجو

نئچه آی چالیشمالاردان و چكیش- بركیشدن سونرا سونای، سونا چاتدی.

 بو چالیشمالاردا گونئی نثرینین گون-گونه گلیشمه­سینه ایناناراق، بیزه حیكایه گؤندرن سایین یازیچی­لاریمیزدان درین تشكورلریمیزی بیلدیرمه­یی اؤزوموزه بورج حساب ائدیریك.

باشیمیزی اوجالتدیغینیزا گؤره، باش اوجا یاشاماغینیز، ان بؤیوك آرزیمیزدیر.

ایجرایی هیئت سونایین ایلك گونلریندن اینانیلماز حادثه ایله اوز به اوز اولدو، بیزه گؤندریلمیش حیكایه آخینیندا غریبه بیر گوجه مالك اولدوغوموزا اینانماق چتین ایدی.

دیلیمیزین آكادمیك تحصیلینین یاساق ائدیلمه­سینه رغمن دیلیمیزده نثر یازان گنج­لرین چوخونلوغو، ‍‍‍‍‍‍ژوری هیئتینده ده اؤزل ماراق دوغورموشدو. البته كی دیلیمیزین یاساقلیغی بوتون یازی­لاریمیزدا استاندارد آذربایجان دیلینه بیر تهلوكه كیمی قاش- گؤز آغارتماقدادیر.

بیزه گلن حیكایه­لرین بیر پاراسیندا دا بو یاساقلیق منفی ائتكیسینی بوراخمیشدیر.

بیزه گؤندریلمیش اثرلرده باشقا بیر یانلیشلیق ایسه "حیكایه" ایله "ناغیل" سرحددینین پوزولماسیدیر. بیزیم گونئی ده فارسجا "داستان" و "قصه" دئییلن فورمالارین آیریلماماسی ادبیاتیمیزدا بیر گرگینلیك كیمی ساییلا بیلر.

بعضی چتینلیك­لر اوزوندن گئجیكمه­ییمیزه رغمن بو گون سونای اؤدولونون سئچگین­لرینی تانیتدیرماغیمیز اوچون اؤیونوروك.

بونونلا بئله سونای حیكایه اؤدولونون ژوری هیئت­لری (اسماعیل هادی، نیگار خیاوی، محمد صبحدل، رضا كاظمی، رسول یونان) جنابلاریندان ایستی تشكورلریمیزی بیلدیرَرك سونایین ایللر بویو دوام ائده­جه­یینی آرزولاییریق.

ان بؤیوك آرزیمیز ایسه گونئی ده معیار دیلین اوزه گلیب چیخماسی و گلن سونای اؤدولونده سامباللی اثرلرله قارشیلاشاجاغیمیزدیر.

سونای ایجرایی هیئتی

 yashmaq.blogfa.comسعید موغانلی

    chuxurlar.blogfa.comحامد احمدی

 ipektesvirler.blogfa.comمهیار علی­زاده

سونایین تقدیره لاییق گؤردویو یازیچی­لار و اثرلر الیفبا سیراسی ایلا بونلاردان عیبارتدیر؛

آرغیش- حمید / تیكانلی مفتیل­لر

چاووش زاده- عبدالمجید / خوروزلارین بانینا قدر

صیامی- مژگان / بیر شهر ایدی بیر ظفر

منوچهری- زیبا / امینه- گؤزل امینه

نعمت- ووقار / باش توتمایان رومان

سونایین ژوری هیئتینین سئچدییی  ۵ ان  یاخشی اثر الیفبا سیراسی ایلا بونلاردان عیبارتدیر؛

دوستار- داوود / مورالمیش شمدانلار

رضاپور- اكبر / قیرتلیق

صفری- رقیه / ساری دوش

مجدفر- مرتضی / سونونجو قورد

مهدوی- محمود / من، عظیم و لنین

آچیقلاما:

 یاخین گله­جكده، آللاه یاراتدیغی بو دونیا انگین­لییینده بیر یئر تاپا بیلسك، سونای اؤدولونون مراسیمینی قورماغا سؤز وئریریك.

ژوری هیئتینین نظرلرینی، سئچیلمیش حیكایه­لری و سئچیلمه­میش حیكایه­لردن بیر سیراسینی "سویوق دیمیش قهرمان" آدلی "حبیب ساهیر"ـه سوندوغوموز یاشماق اؤزل ساییسیندا یایینلایاجاییق.

گوجوموز بو ایدیسه، سیزین گوجونوز، ایكی- قات گوج وئره­جك بیزه.  بیزه یاردیم اولون لوطفن. 

دانیشان سؤزجوک­لر

اوستاد بهزاد بهزادی-نی دوشونرکن

سعید موغانلی

عزیزینم وطن یاخشی

گئیمه­یه­ کفن یاخشی

گزمه­یه غریب اؤلکه

اؤلمه­یه وطن یاخشی...

 …یاخشی کی وطنه قیسقاندین باغرینی قوجاقلاماغی، یاخشی کی بیر ده مله­تدین آستارا لیمانینی، فریدون ابراهیمی دردلییینین عظمتینی اونوتمامیشکن...

یاخشی کی سؤزجوکلرله گوللـه­لندین یوخسا مرمی یاراسینا نئجه دؤزردی تبریزین قلبی سینیق آنالیغی...

یاشماق درگیسینین حیکایه اؤدولو (سونای ۱)

ژوری هئیت (داورلر) طرفیندن سونای اؤدولونون حیکایه سئچیمی سونا چاتدی.

بو سئچیمین سون نتیجه سینی یاخین گونلرده اعلان ائده جه ییک.

اؤدولون داورلری بو شخصلردن عیبارت ایدی:

نیگار خیاوی (شاعیر - یازیچی)

اسماعیل هادی (فیلولوق - رومان و حیکایه یازاری)

رسول یونان (شاعیر - یازیچی)

رضا کاظمی (شاعیر - یازیچی - ژورنالیست)

محمد صبحدل (حیکایه و رومان یازاری)

سونای اؤدولونون ایجرا کومیته‏سی

سعید موغانلی (شاعیر - یازیچی - ژورنالیست)

حامد احمدی (حیکایه یازاری-ژورنالیست)

مهیارعلی‏زاده.آیخان(قرافیست- دیزاینر)