| تبليغات | X |
 |
 |
|
| آذربایجان یئنی ادبیات درگیسی/AZƏRBAYCAN YENİ ƏDƏBİYYAT DƏRGİSİ |
|
سون غمیز اولسون
باش ساغلیغی
یاشماق درگیسینین ایلک گونلرینده هئچ بیر حالدا آرخایا باخماماغیمیزا اینانمیشدیق. هر نهیی گلهجکده گؤردویوموزده، محض ادبیاتدا اؤنه دوغرو ایرلیلهییشدهایدیک کی، مالی چتینلیکلر باشقا آزاد مطبوعات کیمی، بیزی ده دیزه چؤکورتدو. بو آرادا گومانیمیز، سئوگیلی شاعیرلرین اؤز مالی حیمایهسیله چیخاراجاغی کیتابلارا قالمیشدی. بو ایشه باشلادیقدان و بیر نئچه کیتابین حاضیرلانماسیندان سونرا، بو «حسن سوخدو دَییرمانی» سیاستی عرفهسینده، شعرین و ادبیاتین بیر داها اوغور قازاناجاغینا ایناندیق. درگینین سون صحیفهسینده سادالادیغیمیز کیتابلار بونلاردان عیبارتدیر. همَن بو قارما-قاریشیقدا آذربایجان مطبوعاتیندا ان اؤنملی رولو اولان و (بلکه ده یانیلماساق) ان پروفسیونال درگی اولان «دیلماج» رحمتلییین! تبریزدن اجباری تهرانا کؤچریلشمهسیندن سونرا، بیز ده یاشماغین بوتون ادبی آرشیوینی و تقریبن 90 فایز یازارلار قروپونون گوجونو دیلماجا داشیدیق. اورادا دیلماجین ادبی بؤلومونو آچیب، یاشماق سلیقهلی مطلبلرله اوخوجولاریمیزلا ایلگیده اولدوق. دیلماجین 5 ساییسینین ادبی بؤلومونو و بیر نؤمره (چاغداش ادبیات) اؤزل سایی حاضیرلادیق. و بیر حئکایه اؤدولو (سونای حئکایه اؤدولو 1) اساسی قویولدو. گلن (بهمن آیی) بیر اؤزل ساییینین (نثر- حئکایه –تنقید اؤزل سایی)نین دا اساس ماتئریاللارینی توپلادیق. آردی |
|
+ یازیلدی
2007/10/21ساعات 0:5 یازارلار قروپو |
|
|
چاغیریش آذربایجان حئکایه اؤدولو سونای۱ سایین یازیچیلار؛ یاخین گلهجکده یاشماق درگیسینده حئکایه اؤزل ساییسینی یایینلاماق نیّتیندهییک. بو حئکایهلر بیزه گؤندریلمیش اثرلردن، سئچیلمیش (حئکایه توپلوسو) اولاجاقدیر. اثرلر ژوری هئیتی طرفیندن اوخونوب، ۱۰ یاخشی اثر سئچیلیب درگیده چاپ اولاجاقدیر و 5 ان یاخشی حکایه یازاریندان تقدیر اولوناجاقدیر. بوتون یازیچیلاردان بیزه اثر گؤندرمهلرینی ریجا ائدیریک. - اثرلر عرب الیفباسیندا یازیلمالیدیر. - هر یازیچی بیر اثر گؤندره بیلر. - اثرین ایندییهدک باشقا یئرده (کیتاب، درگی، سایت) چاپ اولونماماسی گرکلیدیر. - حکایهلرین حجمی ۱۰ صحیفهدن آرتیق اولمامالیدیر. (word- ۱۲ فونت سایز) - اثرله بیرلیکده اؤزونوزدن بیر قیسا بیوقرافی گؤندرین. - 5 اثر اوچون تؤرنین یادگارلیق تندیسی (آنیت هئیکلی) وئریلهجک. - سئچیلمیش یازیلاردان ۱۰ اثریاشماغین گلن اؤزل ساییسیندا یایینلاناجاق. اثرلرین گؤندرمه مؤهلتی: ۲۱ آذر ۱۳۸۶ تؤرن گونو:۲۹ بهمن ۱۳۸۶
- یازیلارینیزی word- دا بو آدرئسه گؤندرین: اجرایی هئیت (یاشماق درگیسی) 09121435762 سعید موغانلی 09125766610 حامد احمدی |
|
+ یازیلدی
2007/10/13ساعات 2:13 یازارلار قروپو |
|
|
اورَييمده ايكينجی اينسان كيمیدير سنی سئومك سعادتی ناظيم حيكمت
ياشماق هردنبيرنامهسي!!! هلهليك كي بير داها چيخماغا تلهسمير. نه واركي؟ ياخشيجا يوخلاميشيق... بيردن-بيره گؤيلوموزه دوشوركي، درگيني بوراخيب، سايت حاضيرلاياق. بو ايش بير آز كلاسلي ايشدير. بيزي دهكي كيلاس اؤلدوروب چوخدان... شوخلوقدان سوووشساق، ياشماغي پولسوزلوقدان اؤترو يايينلايا بيلميريك. ايندي درگينين ايكي ساييسي؛ ۱. (راميز روشن اوچون حاضيرلانميش اؤزل ساي 50 صحيفه، تنقيد، گونئي و قوزئي ادبياتي و هابئله دونيا و توركيه معاصير ادبياتيندان اؤرنكلرله بيرگه، 70 صحيفه)، ۲. (چاغداش شعر اؤزل سايي) حاضيردي. بو گونلر الكترونيكي بير درگييه ده دوشونوروك. بو الكترونيكي ياشماق، سادهجه بيرCD اولاراق، بير نئچه شاعير و يازيچينين سسي و سؤزو ايله، يايينلاندي بلكه... آمما هلهليك سيزي بو اوتاقدا قوناقليغا چاغيريريق. بويورون قوناغيميز اولون... تبريزلي شاعير، مليحه عزيزپور دئميشكن: بويور اَيلَش اورَييمده بير آلما سوي قوي استيبداد اوتاغيميزا بئلهجه چؤكسون
و تبريزلي صرّاف دئميشكن: صوبح ساليب ماه روخوندان نقاب چيخكي تماشايه چيخيب آفتاب وورغولاماسي پيس اولمازدي كي، ياشماق درگيسينين بو گونلر، (ياشماق سيرا كيتابلاري)ندان بير نئچه كيتابي يايينلانميشدير. چاپ اولان اثرلرين هاميسي شعر توپلولاريدير، آمما ياخين گلهجكده گونئيدن، قوزئيدن و دونيادان نثر، (اؤيكو و رومان)لار دا يايينلاناجاق. (البته بو كيتابلاري، بيز حاضيرلاييب، يايينلاييريق!.. پولونو دا اثر يئيهسي تامين ائدير.) بيز ده پوزونو وئريريك!!! ياخين گلهجكده بو اوتاقدا ياشماغين اؤتن ساييلاري و ياشماق سيرا كيتابلاري ايله، و هابئله يئني ادبيات قيميزي ايله، سيزي اكرام ائدهجهييميزه سؤز وئريريك... ياشماق سيرا كيتابلارينين ليستيني سادالاماقدان اؤنجه، حضرت فيضولي عليهالسلامين غزل باغيندان بير بئيتيني، مزه ائتمهيي اونوتمايين... ...تؤكدوكجه قانيمي، اوخون اول آستان ايچر بير يئردهيم اسير كي توپراغي قان ايچر... یاشماق سیراکیتابلاریندان یایینلانمیشدیر:
۱.قیزیل آلمالار (قیسا شعرلر توپلوسو) سعید موغانلی ۲. تانری داریخیر (شعر آنتولوژیسی) سعید موغانلی ۳. بایات هایکولار (ژاپن هایکولاری) راسیم قاراجا. سعید موغانلی ۴. پیچاقلانمیش هئیوا (شعر توپلوسو) آلما موغانلی ۵. اؤلوم حاققیندا گونش (شعر توپلوسو) راسیم قاراجا ۶. باش چیخاران اؤلوم (شعر آنتولوژیسی) آیداشدلیسئل ۷. قوردلار (تورکجه پیئس. نمایشنامه) غلامحسین ساعدی ۸. گونآیدین نیفرت (شعر توپلوسو) ساحیل آذر ۹. دؤرد شاعیر قیرخ دوعا (رامیز روشن. واقیف صمداوغلو. واقیف بایاتلی. روستم بهرودی) ۱۰. اولدوز (اوشاقلار اوچون شعر توپلوسو) رامین جهانگیرزاده ۱۱. گؤی اوزو داش ساخلاماز (سئچیلمیش شعرلر) رامیز روشن ۱۲. بالتالاردان لئیلکلره (شعر توپلوسو) آتیلا کیشیزاده ۱۳. عصریمیزین یوخوسوندا (شعر توپلوسو) علی جوادپور ۱۴. دونیادان قادین اییسی گلیر (شعر توپلوسو) علی حاجی ۱۵. نغمهسی ناغیل حیات (شعر توپلوسو) افراسیاب نورالهی ۱۶. قیزیل موجاهیدلر ( آذربایجان مشروطهسی اوچون شعر توپلوسو) یالچین تورکای
یاشماق سیراکیتابلاریندان یایینلاناجاقدیر: ۱. اؤلومون گیرمهسی یاساق (هادی قاراچای و کیان خیاودان سئچیلمیش شعرلر) ۲. قوجاغین امنیت گؤزون تروریست (شعر توپلوسو) سعید موغانلی ۳. گؤی گؤزلو آللاه (شعر - نثر) سعید موغانلی ۴. ایشیق (شعر توپلوسو) علیرضا اوختای ۵. هاملئت (یئس. نمایشنامه) ویلیام شئکسپیر ۶. بیز اوچ کیشیایدیک (شعر توپلوسو) بختیار وهابزاده. شاهمار اکبرزاده. یوسف خیالاوغلو ۷. گؤیه ائنمک ایستهییرم (شعر توپلوسو) ووقار نعمت ۸. اوزاق یاشیلآدا (سئچیلمیش شعرلر) واقیف صمداوغلو ۹. گتیر کلشلریمی ایستیرم گئدم (شعر توپلوسو) ب. فتحالهی ۱۰. علی و نینو (رومان) قوربان سعید ۱۱.خزره بیر آددیم (قوزئی آذربایجان چاغداش شعر آنتولوژیسی) سعید موغانلی ۱۲. قوجاغین امنیت گؤزون تروریست (شعر توپلوسو) سعید موغانلی ۱۳. سنسیز یالقیز قالیب تبریز (نثر- شعر توپلوسو) سعید موغانلی
یاشماق اؤزل ساییلاری یاغیش یویور، گون قورودور (رامیز روشن) باشقا بیر ماوی گؤیه (سحر خانیم ، قادین شاعیرلر و شعر اؤزل سايي) سویوق دَیمیش قهرمان (حبیب ساهیر) گئجه یاغان قار کیمی (بایاتی اوزره تصویر) |
|
+ یازیلدی
2007/10/13ساعات 0:55 یازارلار قروپو |
|
|
بیرینجی صحیفه آرشیو |
| بیزیم وبلاق |
«یاشماق» آذربایجان یئنی ادبیات درگی سینین وبلاقی
یئنی ادبیات آنلاییشینا دوغرو |
| گوندَلیک باغلانتی لار |
|
G O Z L A R I A Y D I N گوندلیک باغلانتی لار آرشیوی |
|
RSS
|
